O portal de información Galicia Ambiental convoca, co patrocinio da Sociedade Galega de Medio Ambiente – SOGAMA e a colaboración de Grupo GESTAN – Tratamiento de Residuos, o Primeiro Concurso de Redacción e Fotografía Escolar G.A., no que se trata de fomentar entre os máis novos o interese pola natureza e de despertar conciencias críticas no relacionado con comportamentos que perxudiquen o noso medio.

BASES

1.- Poderán participar nenos e nenas, matriculados en centros de ensino galegos, de ata 12 anos de idade.

2.- Os textos ou as fotografías serán inéditas e autorízase ós editores e portal Galicia Ambiental a súa publicación.

3.- A temática será libre, pero o xurado valorará que teñan relación con temáticas abordadas nas materias e/ou actividades relacionadas co medio natural no seu centro; téndose  en conta, no caso das fotografías,  que  foran tomadas no decurso de actividades, viaxes de estudo, etc. organizadas polo centro ou a súa ANPA.

 4.- É obxectivo deste concurso recoñecer ós autores de textos e/ou imaxes que  axuden a coñecer e divulgar especies e/ou espazos naturais do país e aqueles traballos que poñan en evidencia comportamentos non axeitados (foto-denuncia).

5.- Establécense por elo dous primeiros premios, un por categoría:

CATEGORÍA FOTO - DIVULGATIVA

· Para o alumno gañador: un equipo fotográfico semi-profesional.

· Para o centro ó que pertenza: un lote de libros de consulta sobre espazos e especies naturais do país.

CATEGORÍA REDACCIÓN

· Para o alumno gañador: un equipo informático portátil

· Para o centro ó que pertenza: un lote de material divulgativo e sensibilizador sobre reciclaxe.

6 A.- Os nen@s que desexen participar no concurso de fotografía deben cubrir os datos do formulario e subir unha foto na dirección: www.galiciaambiental.net/participa.php ou no icono "Participa" desta web. Os envíos de fotografías poderán “subirse” á web ate o 30 de novembro de 2010 e cada participante non poderá enviar  máis dun exemplar. A resolución das fotografías non debe superar os 685.286 bytes (1024x768 pixeles) e deben ser enviadas en formato JPG.

6 B.- Os nen@s que desexen participar no concurso de redacción poderán enviar o seu texto ate o 30 de novembro de 2010, sen imaxes, como documento adxunto, en formato Word ou compatible, con unha extensión máxima de 2 folios en corpo 12, ó enderezo electrónico concurso@galiciaambiental.net. Ó remate da redacción e/ou na portada do correo electrónico, indicarán o nome completo do autor, o seu teléfono de contacto, a idade, o centro escolar no que estuda

7.- No caso do concurso fotográfico, a imaxe deberá vir acompañada dos seguintes datos:

· Título

· Descripción

· Nome do fotógrafo

· Teléfono de contacto

· Idade

· Centro escolar  e localidade

8.- O equipo de redacción de Galicia Ambiental realizará unha selección previa das fotografías / redaccións recibidas semanalmente, pasando á selección final todas as fotografías e redaccións. As máis salientables podewran ser publicadas na sección do concurso na páxina web www.galiciaambiental.net, sin que elo presupoña vantaxe algún na elección final dos premiados.

9.- De entre os textos e fotografías  presentadas, o xurado elixirá a gañadora en cada categoría. Reunirase na primeira quincena de decembro  e estará composto por:

· 1 Representante de SOGAMA

· 1 Representante de GESTÁN

· 1 foto-xornalista

· 1 representante da redacción de Galicia Ambiental

O seu dictame, que non é apelable,  publicarase na web. A entrega de premios celebrarase nos 30 días seguintes a reunión do xurado.

10.- A participación no concurso leva implícita a aceptación das bases*, a autorización de reproducción das imaxes e o compromiso persoal da orixinalidade e autoría das fotografías e redaccións.

*As presentes bases foron modificadas con data 27 de maio no sentido de ampliación do plazo de presentación dos traballos logo da proposta recibida de algúns centros escolares.

INFORMACIÓN: na páxina web www.galiciaambiental.net ou no teléfono 881101278

 

Axudas Técnicas

Sociedade Galega do Medio Ambiente

2010 Año Internacional de la Diversidad Biológica